Оқу құралында экологияның даму тарихы туралы негізгі мәліметтер беріліп, тірі организмдердің құрлымдарының түрлі деңгейіндегі биологиялық жүйелердің (особьтар, түр, популяция, қауымдастықтардың) бір-бірімен және қоршаған орта факторларымен арасындағы байланыс заңдылықтары қарастырылған. Сол сияқты биосфера, оның құрлымы мен тұрақтылығы, ғылыми-техникалық прогрестің дамуына байланысты биосфераның құрам бөліктерінде туындаған экологиялық проблемалардың себептері мен салдары және биосфераның қазіргі жай-күйін қорғау, сақтау жолдары мен әдістері, «Тұрақты даму» тұжырымдамасының тарихы, стратегиясы мен принциптері, Қазақстан Республикасының тұрақты дамуын қамтамасыз ету механизмдері кең қарастырылған. Қоршаған орта факторларының тірі организмдердің тіршілігіне әсері, сол сияқты олардың өзара және қоршаған ортаға әсері туралы тәжірибелік сабақтары мен студенттердің оқытушы басқаруымен орындайтын өзіндік жұмыстары және өз бетінше орындайтын өзіндік жұмыстары туралы мәліметтер мен тапсырмалар, бақылау және тест сұрақтары, рефераттар тақырыптары әрбір тақырыпқа берілген. Оқу құралы жоғарғы оқу орындарының экология және технологиялық, техникалық, қаржы-экономикалық, гуманитарлық т.б. мамандықтарда кредиттік технология бойынша оқитын студенттер мен магистрларға және олардың оқытушыларына арналған. Сол сияқты экология мен қоршаған ортаны қорғау саласындағы мамандар мен қызметкерлер дайындау және кәсіби білім біліктілік деңгейін көтеруде қолдануға болады.