Елімізде соңғы жылдары көптеген оқулықтар жаңадан жазылып, олардың бағдарламалары жаңартылуда. Оның үстіне, қазіргі жағдай кез келген халықтың ана тілін дамытуды, бұрын қолданылып келген сан алуан терминдерге өз тілімізде баламалар табуды талап етіп отыр. Осыған орай, бірқатар тілашарлар, қостілді сөздіктер өмірге келді. Осы ұсынылып отырған қазақша-орысша анықтамалық-сөздік те осындай игі тілектен туып отырған туындылардың бірі. Сөздікте «Дене шынықтыру және спорт» салалары бойынша соған қатысты өз тілімізде ұғым атаулары, бағыттары, тұжырымдамалары, негіздері, әдістері мен тарихы қамтылды. Сөздікті жоғары оқу орындары оқытушылары мен білімгерлері және орта мектеп мұғалімдері қиындықсыз қолдана алады, жалпы спорт сүйер оқырман қауымға арналған.