Кітапта ЖОО оқытушысының тұлғалық құрылымын зерттеу негіздері нақтыланады. Осыған байланысты оқытушының тұлғалық құрылымын зерттеу методологиясы; оқытушы тұлғасының профессиограммалық құраушылары; оқытушы психограммасының негіздері; оқытушы психологиясының статусы дәйектеледі. Мұнда педагогикалық іс-әрекет оқытушы тұлғасының басты детерминанты және педагогикалық қарым - қатынас оқытушы тұлғасының психологиялық предикторы ретінде талданады.  Сонымен қатар кітапта оқытушының тұлғалық дамуының  шарттары – оқытушының тұлғалық құрылымының моделі; оқытушыдағы тұлғалық дамудың көптеген жақтары мен қырлары; оқытушы психологиясындағы тұлғалық жіктеме зерделенеді.  Монографияда оқытушының тұлғалық дамуын эмпирикалық зерттеудің методологиясы анықталып, оқытушының тұлғалық даму ерекшеліктері мен заңдылықтары тағайындалады. Осыған байланысты оқытушының тұлғалық даму мүмкіндіктерікөрсетілген. Психологиялық зерттеудегі күрделі мәселе – оқытушы психологиясы өзекті болғандықтан, монография психология мен педагогика, әлеуметтану салаларындағы мамандарға, зерттеушілерге, студенттерге, магистранттарға, докторанттарға пайдалы болады.