Ұсынылып отырған оқу-әдістемелік құралда академик Ж.А. Қараев, Ж.У.Кобдикованың «Оқытудың үшөлшемді әдістемелік жүйесі» атты педагогикалық технологияcының және оқыту сапасын басқарудың, оқыту сапасын өлшеудің мәні ашылады. Педагогикалық квалиметрия: оқушының оқудағы жетістіктерін (құзыреттілік деңгейін) бағалау критерийлері сипатталады. Оқушылардың әр бағыттағы даму траекторияларын мониторинг жүргізу арқылы қадағалау, жеке басының қабілетін болжау (диагностика жасау), дарынды оқушыны анықтап, оның өз бетімен дамуына жағдай жасау сияқты бүгінгі таңда білім беру жүйесінде орын алып жүрген көптеген көкейтесті мәселелерді технологиялық амал негізінде тиімді шешу жолдары ұсынылады.  Бұл еңбек білім беру ұйымдарының басшыларына, ЖОО оқытушыларына, студенттер, магистранттар, докторанттар және колледж, мектеп мұғалімдеріне арналған.