Автор елдің экономикалық қуаттылығын жүзеге асыруда бәсекеге қабілетті кәсіби мамандарды даярлау міндеті жоғары оқу орыны арқылы жүзеге асырылатындықтан, көркемдік талғамының жетілуі, өмірдегі әсемдікті дұрыс қабылдауы, ақиқатқа эстетикалық көзқарасының басты рөл атқаратынын көрсете келіп, жоғары оқу орнындағы оқу-тәрбие үрдісінде болашақ мұғалімнің саяси мәдениеті, көркемдік талғамы жоғары, адамгершілігінің
үйлесімді дамыған тұлғаны қалыптастыруда эстетикалық тәрбиенің ерекше орны мен рөлін ашқан. Монография бөлімдерінде көркемдік талғамы қалыптасқан жеке тұлға әдемілікті эстетикалық тұрғыдан дұрыс бағалауға, өмірде, тұрмыста және еңбекте эстетикалық және эстетикалыққа жатпайтындарды ажыратуға, әсемдікті түсінуге көмектесумен қатар эстетикалық тәрбие берудің аса маңызды міндеттері ашылған. Автор монографиясында эстетикалық тәрбие беру теориясын оқыту әдістерін, жастарды қазақтың халық педагогикасы құралдары арқылы эстетикалық тәрбиелеудің әдіснамалық негізін анықтап, болашақ бейнелеу өнері мұғалімдерінің көркемдік талғамын қалыптастыру жолдарын көрсетумен қатар, бүгінгі бейнелеу өнері мұғалімдерінің кәсіби дайындығына қойылатын талаптарға сай көркемдік талғамын қалыптастыру мәселесін теориялық тұрғыдан қарастырып, жоғары оқу орындарында оқу-тәрбие үрдісінде туындайтын қарама-қайшылықтарды жою жолдары көрсеткен. Монография жоғары оқу орындарының оқытушыларына, магистранттарға, студенттер мен жалпы мектеп мұғалімдеріне арналған және білім жетілдіру ұйымдарының
қызметкерлеріне ғылыми-зерттеу жұмыстарына қолдануда пайдасы мен көмегі зор.