Монографиялық жұмыста автордың орнындаған зерттеулерінің нәтижесінде
пайдалы қазындыларды өндіру және басқа да мақсаттарда салынатын жазық жерасты
қазбаларын әсіресе, тау-кен геологиялық шарттары күрделі қазба маңайында туындай-
тын тау қысымының мөлшері мен бағытына және сілемде жүретін геомеханикалық
үдерістерге лайықты төтеп бере алатын, түрлері мен құрылымдарын дәлелді түрде таң-
дап алу мүмкіндіктерінің инновациялық шешімдері берілген.
Реттеліп-басқарылатын құрамды бекітпелердің зерттеуде бекітпелер жүйесін
орнату әдістері мен олардың параметрлері арнайы есептеулер нәтижесінде дәлелді түрде
анықталған. Орнатылған бекітпелердің жобалақ параметрлерін және қазба контурының
ығысу шамаларын бақылау әдістері де қарастырылған. Бекітпелер жүйесін орнату техно-
логиялық тұрғыдан өте рационалды, қарапайым, оларды құрауға арнайы жабдықтар мен
саймандардың қажеті жоқ екендігі де айғақталған.
Бұл монография білім алушыларды реттеліп басқарылатын құрылымдарды зерттеу
барынында, сонымен қатар құрылымдардың ерекшеліктерін меңгеріп талдауда, ғылыми
зерттеу жұмыстарын орындағанда да қолдануға ыңғайлы.
«Реттеліп-басқарылатын құрамды бекітпелердің құрылымдарын зерттеу және
жетілдіру жолдары» атты монография «Құрылыс» және «Шахта және жерасты құрылы-
сы» мамандығы бойынша білім алушы бакалавр, магистранттар мен доктаранттарға
пайдалануға болады.