Оқу-әдістемелік кешен 0510000 «Іс қағаздарын жүргізу және мұрағаттану» мамандығы бойынша дәріс алатын студенттерге «Хат-шылық іс» пәні бойынша әзірленген. Бұл оқу-әдістемелік кешенге барлық мекемелерде жұмыс істейтін хатшыларға мекемелерде жүргізілетін құжат түрлерінен бастап, хатшының өз басына қатысты ережелер енгізілген. Оқу-әдістемелік кешен кіріспеден және 3 бөлімнен тұрады. Сонымен қатар әр бөлімді аяқтағаннан кейін орындалатын тәжірибе жұмысының тақырыптары да берілді. Кіріспеде хатшының орындайтын міндеттері , қойылатын талаптар, құжат түрлері, олармен жұмыс істеу ережесі егжей-текжейлі жазылған. Сонымен қатар барлық мекемелерде, кәсіпорындар мен ұйымдарда іс қағаздарын жүргізуді ұйымдастыру
мәселелері, іс қағаздарын жүргізу мен ұйымдастыру тәртібін реттейтін қолданыстағы заңи және нормативтік-әдістемелік актілер туралы құжаттар, іс қағаздарын жүргізу нысандары мен әдістері, әр түрлі құжаттарды әзірлеу тәртібі қарастырылды. Хатшының жұмыстары және оған қойылатын талаптар, мекеме қызметшілерімен, басшымен хатшының арасындағы қарым қатынас мәдениеті барлығы жеке-жеке тақырып болып берілді. Бөлімдер  аяқталғаннан кейін орындалатын тәжірибе жұмысының тақырыптары да жазылған. Оқу-әдістемелік кешен – өте тілі жеңіл, қолдануға ыңғайлы құрал. Өйткені бұл оқу-әдістемелік кешенде «Хатшылық іс» пәніне арналған барлық тақырыптар қамтылған. Бұл оқу-әдістемелік кешенді студенттер мен оқытушылар қолдана алады.