Оқу құралында фармацияның даму тарихы; мемлекеттік фармакопея; дәріханалардың құрылымы мен жабдықталуы; дәріхана қоймасы; дәріхана ісінің ұйымдастырылуы, басқарылу жүйесі және жоспарлауы; дәріхана ісінің экономикасы, менеджменті, маркетингі және инвестициясы; нормативті-техникалық құжаттар; дәрілік заттардың сақталуы, мөлшерлеу принциптері; дәрілік кереғарлықтар туралы мәліметтер қамтылады. Сонымен қатар дәрілік заттардың (қатты, жұмсақ, сұйық, галендік және жаңагалендік) дайындалу технологиясы және жалпы рецептура туралы толық мәліметтер келтіріледі. Оқу құралы дәрілік заттар туралы заңнамалық құжаттармен толықтырылған. Дәрілік заттарды дайындау технологиясы бөлімінде дәрілік заттарды дайындау әдістері жайлы айтылса, рецептура бөлімінде бұл дәрілік заттарға рецептер жазу заңдылықтары және қолдану ережелері жайлы сөз қозғалады.
Оқу құралы жоғары және арнайы орта білім беретін оқу орындарының «Ветеринария» мамандығы бойынша білім алатын студенттеріне, магистранттарына, докторанттарына және практика жүзінде қызмет атқаратын ветеринария мамандарына арналып жазылған.