Мал азығының көлемін, сапасын көтеруде және оны әртараптандыруда  табиғаттан жерсіндіріліп өсіріле бастаған жаңа әдеттен тыс мал азықтық өсімдіктердің орны ерекше.  Соған байланысты республикамызда ауылшаруашылық оқу  орындарында оқитын магистранттарға осы бағытта жүргізілетін пән  бекітілген. Пән бойынша жеке оқулык ретінде осы еңбекті ұсынуды жөн  санадық.  Бұл кітапта соңғы кездері шаруашылықтарда өсіріле бастаған жаңа  және перспективалы мал азықтық өсімдіктердің шыққан жері,жерсіндіру  ерекшеліктері, биологиялық және морфологиялық сипаттамасы,  азықтық құндылықтары, өсіру агротехникасы,пайдалану және азық  дайындау технологиясы жәйлі мәліметтер берілген.  Кітап «Жаңа және перспективалы мал азықтық өсімдіктер»  пәнінің бағдарламасына сәйкестендіріліп, алғаш рет қазақ тілінде  ауыл шаруашылығы жоғары оқу орындарының магистранттары мен  докторанттарына арналған.