Бұл әдістемелік нұсқау гуманитарлық, экономикалық, техникалық мамандық бағытында оқитын студенттерге арналған қазақ тілі атты оқу құралын пайдаланушы ұстаздарға әдістемелік көмек ретінде ұсынылып отыр. Нұсқауда әрбір модуль бойынша өткізілетін жұмыс түрлеріне нақты әдістемелік ұсыныстар берілген. Мәтінмен жұмыс жасауда қолданылатын интерактивті ойын түрлері, оларды өткізу әдістемесі мен шарттары берілген. Оқу модулі үш құрамдас бөлімнен: кіріспеден, сөйлесу бөлімінен және қорытынды бөлімінен тұратындықтан, аталған бөлімдердің әрқайсысын ұйымдастыруға арналған әдістемелік нұсқау көрсетілген. Нәтиже сабақта өткізілетін тест тапсырмаларының дұрыс жауаптары және бақылау сұрақтарының тізімі берілген.
Әдістемелік нұсқау оқу құралын пайдаланушы оқытушыларға, мұғалімдерге, магистранттарға және ізденушілерге арналған.