Бұл оқу құралы гуманитарлық, экономикалық және техникалық мамандық бағытында оқитын студенттерге мемлекеттік тілді қазақстандық ғалым М.М.Жанпейісованың интерактивті модульдік технологиясы бойынша үйретуге арналған. Оқу құралы мемлекеттік стандарт және типтік бағдарламаға сәйкес жазылған. Оқу құралы екі бөлімнен тұрады: негізгі бөлім және мамандыққа арналған бөлім. Негізгі бөлім дүниені тану құралы болып табылатын тілдік білімді, сөйлеу, қарым-қатынас жасау деңгейлерін меңгертуге бағытталады. Мамандыққа арналған бөлім мемлекеттік тілде өз мамандығын тануға арналады. Технологияның біз әзірлеген нұсқасы модульдік сипатта құрылған. Оқу модулі білімді қайта репродуктивті оқу циклі ретінде үш құрамдас
бөлімнен: кіріспеден, сөйлесу бөлімінен және қорытынды бөлімінен тұрады. Оқу құралы студенттерге, оқытушыларға және мемлекеттік тілді үйренушілерге арналған.