Оқу құралында Қазақстан тәуелсіздігінің қалыптасуында қазақ әйелдерінің алатын орны мен рөлі зерделеніп, тарих ғылымы аясында қазақ әйелі мәселесінің сипатталуына тарихи-философиялық талдау жасалынды. Отан тарихындағы қазақ қызының даналық, батырлық, ерлік тұлғасы, ұлттық тәрбие ерекшелігі мен ұлттық болмысы және қазақ қоғамындағы әйелдердің әлеуметтік және саяси рөлі қарастырылған. Автордың алдына қойған басты мақсаты мен міндеті: Қазақстан тәуелсіздігінің қалыптасуында қазақ әйелдерінің алатын орны мен рөлін пәнаралық байланыстар негізінде талдап, қазақ әйелдеріне қатысты отандық және шетелдік ғылыми әдебиеттердегі деректерді саралау болып табылады. Сол арқылы мұрағат және қолжазбалар қорларынан «Қазақстан тәуелсіздігінің алыптасуындағы қазақ әйелдерінің алатын орны мен рөлі» жөнінде материалдар жинастырып, оқу құралының деректік негізін қалыптастыру.