Электрлендіру, яғни халық шаруашылығының барлық салаларында және халық тұрмысында электр энергияны өндіру, тарату және оны қолдану техникалық прогрестің маңызды факторы болып табылады. Электрлендірудің негізінде өндіріс дамыды, электр энергиясы ауыл шаруашылығы мен транспортқа енді. Өзара қуатты энергия жүйелеріне біріктірілген ірі аудандық электр станциялары сенімді, жоғары сапалы және арзан электр энергиясымен жабдықтайды, бұған негізгі себеп – электр станцияларды арзан энергия көздері көмір, үлкен өзендердің жанына жайғастыруға болады.